Avropa İttifaqı (Aİ) Rusiyaya dəstək verdiyi üçün İrana qarşı yeni sanksiyalar tətbiq etmək niyyətindədir.

İqtisadiyyat.az xarici mediaya istinadən xəbər verir ki, bunu Avropa İttifaqının Xarici Əlaqələr və Təhlükəsizlik Siyasəti üzrə Ali nümayəndəsi Cozef Borel deyib.

O bildirib ki, məhdudiyyətlər aviasiya sektoruna, eləcə də dron və ballistik raketlərin hazırlanması proqramlarının iştirakçılarına təsir edəcək: “Avropa İttifaqı beynəlxalq tərəfdaşlarla, o cümlədən İrana qarşı yeni məhdudlaşdırıcı tədbirlərin tətbiqi yolu ilə operativ şəkildə və koordinasiyalı şəkildə cavab verəcək... Bununla bağlı İranın aviasiya sektorunda məhdudlaşdırıcı tədbirlər də nəzərdən keçirilir”.