Avropa İttifaqı (Aİ) Gürcüstanda təqdim olunan COVID-19 pasportlarını tanıyıb.
Bu barədə Gürcüstanın Xarici İşlər Nazirliyi məlumat yayıb.
Bildirilib ki, müvafiq qərar Avropa Komissiyasının rəsmi saytında dərc olunub.
Qərara əsasən, koronavirus əleyhinə tam vaksinasiya kursu keçmiş və bunu təsdiqləyən sertifikatı olan Gürcüstan vətəndaşları Aİ ölkələrinə səfər edə biləcəklər.
Aİ-nin qərarı dərc olunduğu andan qüvvəyə minir.
