Bazar ertəsi, iyunun 24-də Avropa İttifaqının (Aİ) xarici işlər nazirləri xarici agentlər haqqında qanunun qəbulu ilə əlaqədar Gürcüstana qarşı mümkün məhdudiyyətləri müzakirə edəcəklər.

İqtisadiyyat.az xəbər verir ki, bu barədə "Euractiv" portalı məlumat yayıb.

Bildirilir ki, təcili cavab olaraq Aİ-Gürcüstan Assosiasiyası Sazişi çərçivəsində Aİ yüksək səviyyəli ikitərəfli səfərləri, görüşləri və tədbirləri dayandıra, eləcə də müzakirələri, danışıqları və ikitərəfli sazişlərin imzalanmasını dondura bilər.

Bundan əlavə, Aİ ölkələri Gürcüstan rəhbərliyinin nümayəndələrinə məhdudiyyətlərin qoyulması, Gürcüstan hakimiyyətinə xeyir verən layihələrin maliyyələşdirilməsinin dayandırılması və vətəndaş cəmiyyətinin və müstəqil medianın inkişafı üçün Aİ-dən istənilən maliyyə dəstəyinin nəzərdən keçirilməsi imkanlarını müzakirə edir.