Avropa Komissiyası Birləşmiş Millətlər Təşkilatının Yaxın Şərqdəki Fələstinli Qaçqınlara Yardım və İşlər üzrə Agentliyini (UNRWA) maliyyələşdirməyə davam etmək qərarına gəlib.

İqtisadiyyat.az xəbər verir ki, bu barədə qurum məlumat yayıb.

Məlumata görə, gələn həftə 50 milyon avro agentliyin hesabına köçürüləcək. Komissiyadan verilən yazılı açıqlamada, HƏMAS-ın İsrailə hücumunda UNRWA personalının iştirak etdiyinə dair iddiaların ardınca aparılan qiymətləndirmənin sona çatdığı bildirilib.

Bundan əlavə, Norveç, Belçika, Lüksemburq, İrlandiya, Braziliya və İspaniya UNRWA-ya dəstəyini davam etdirəcəklərini açıqlayıblar.

Qeyd edək ki, UNRWA 5,9 milyon fələstinli qaçqına dəstək verir.

 

Gözəl Həşimova