"Ermənistanla viza rejiminin liberallaşdırılması üzrə danışıqlara başlamaq məsələsi Avropa İttifaqının (Aİ) Xarici Əlaqələr Şurasının iclasının gündəliyinə daxil edilib".
İqtisadiyyat.az xəbər verir ki, bu barədə Ermənistan Parlamentinin Avropaya inteqrasiya komissiyasının rəhbəri Arman Yeqoyan məlumat verib.
"Ermənistan üçün viza rejiminin liberallaşdırılması üzrə dialoqun başlanması, o cümlədən Avropa Sülh Aləti vasitəsilə Ermənistana yardımın göstərilməsi məsələləri Aİ Xarici Əlaqələr Şurasının iyulun 22-də keçiriləcək iclasının gündəliyinə daxil edilib. Bu iki bənd üzrə qərarlar eyni gündə veriləcək", - Yeqoyan qeyd edib.
Bundan əvvəl Ermənistan KİV-i məlumat yaymışdı ki, iyulun 17-də Ermənistanla viza rejiminin liberallaşdırılması məsələsi Aİ Şurası yanında Daimi Nümayəndələr Komitəsində müzakirə olunub və o, Avropa Komissiyasının Ermənistanla bu məsələ ilə bağlı danışıqlara başlamaq təklifini bəyənib.
