Bu ilin aprel-iyun aylarının nəticələrinə əsasən, Avropa İttifaqında (Aİ) müflisləşən şirkətlərin sayı birinci rüblə müqayisədə 3,1% artıb.
Bu barədə İqtisadiyyat.az “Eurostat”a istinadən xəbər verir.
Məlumata görə, müflisləşən şirkətlərin sayında ən çox artım tikinti sektorunda qeydə alınıb. Belə ki, üç ayda bu sahədə iflasların sayı 3,8% artıb. Həmçinin Aİ-də dövr ərzində maliyyə sektorunda (+2,6%), ticarətdə (+2,4%) və sənayedə (+1,6%) müflisləşən şirkətlərin sayı artıb.
Bununla yanaşı, bir sıra sənaye sahələrində müflisləşmə halları, əksinə, azalıb. Belə ki, ikinci rübdə informasiya və rabitə sahəsində müflis olan şirkətlərin sayı 4,8%, nəqliyyat sənayesində 1,6%, mehmanxana sektorunda və ictimai iaşə sektorunda 1,1%, təhsil və iaşə sektorunda 1,1% azalıb.
İkinci rübdə Aİ-də yeni müəssisələrin qeydiyyatı yanvar-mart ayları ilə müqayisədə 2,1% azalıb.
Sadiq Cavadov
