İyunda Avropa İttifaqında (Aİ) avtomobil satışları illik müqayisədə 4,3% artaraq 1,09 milyona çatıb.

İqtisadiyyat.az xəbər verir ki, bu barədə Avropa Avtomobil İstehsalçıları Assosiasiyasının (ACEA) məlumat yayıb.

Məlumata görə, Almaniyada satışlar 6,1% artaraq 280 139 ədəd, İtaliyada 15,1% artaraq 159 982 ədəd, Fransada isə 103 357 ədədə qədər azalaraq 181 709 ədəd təşkil edib.

Bütövlükdə Avropada satılan yeni avtomobillərin sayı (Aİ ölkələri üstəgəl İslandiya, Norveç, İsveçrə və Böyük Britaniya) keçən ay 3,6% artaraq 1,311 milyona çatıb, satışlar isə 1,1% artaraq 179 263 ədəd olub.

Aİ-də elektrikli avtomobillərin satışı 1% azalaraq 156 408 ədəd təşkil edib. Aİ bazarında elektriklə işləyən avtomobillərin payı bir il əvvəlki 15,1%-dən 14,4%-ə düşüb.

İyun ayında Avropa İttifaqında “Volkswagen” qrupunun (o cümlədən “Skoda”, “Audi”, “Seat”, “Porsche” və s.) satışları 4,7%, “Stellantis” 0,4%, “Renault” 6,2% artıb.

Alman lüks avtomobil istehsalçısı "BMW"nin satışları 4,6%, rəqib “Mercedes-Benz”in isə 2,7% azalıb.

Yaponiyanın “Toyota” avtomobil markası satışlarını 13,7% artırıb, Cənubi Koreyanın “Hyundai” markasının satışları isə 6,9% azalıb.

Amerikanın elektrikli avtomobil istehsalçısı “Tesla” ötən ay Avropa İttifaqında 33,68 min avtomobil satıb ki, bu da ötən ilin iyun ayı ilə müqayisədə 6,1% azdır.

İlin birinci yarısında Aİ-də avtomobil satışı 4,5% artaraq 5,684 milyon ədəd, elektriklə işləyən avtomobillərin satışı 1,3% artaraq 712 637 ədəd təşkil edib.

Sadiq Cavadov