Ağdam rayonunun Xıdırlı kəndində kommunikasiya xətləri və daxili yolların tikintisi üçün sərf olunacaq vəsaitin həcmi açıqlanıb.

Bu barədə İqtisadiyyat.az Ağdam, Füzuli və Xocavənd rayonlarında Bərpa, Tikinti və İdarəetmə Xidmətindən məlumat əldə edib.

Belə ki, kəndin sahədaxili mühəndis kommunikasiyaları sistemləri (su, kanalizasiya və qaz xətləri), daxili yol və səkilərin tikinti-quraşdırma işlərinə başlanılır.

Qurum tikinti-quraşdırma işlərini “Körpü-Bina Tikinti” şirkətinə həvalə edib və onunla müqavilə bağlayıb. Müqaviləyə əsasən, su, kanalizasiya və qaz xətlərinin, eləcə də daxili yol və səkilərin tikintisi 29.983.233,73 manata başa gələcək.