Ağdam şəhərində yenidənqurma və tikinti işləri sürətlə davam etdirilir. İşğal dövründə yerlə-yeksan edilən şəhər yenidən qurulur. Şəhər ərazisində yaşayış massivləri salınır.

İqtisadiyyat.az xəbər verir ki, Ağdam, Füzuli və Xocavənd rayonlarında Bərpa, Tikinti və İdarəetmə Xidməti tərəfindən tikinti işləri sürətlə aparılır.

Tikinti işləri şəhərin 4 nömrəli yaşayış massivində də paralel olaraq icra olunur. Burada 1, 2, 5 və 6-cı məhəllələr üzrə çoxfunksiyalı orta mərtəbəli yaşayış binalarının tikintisi işlərinə başlanılır.

Xidmət tikinti işlərini “SMTS” şirkətinə həvalə edib və onunla müqavilə bağlayıb. Müqaviləyə əsasən, sözügedən məhəllələr üzrə çoxfunksiyalı orta mərtəbəli yaşayış binalarının tikintisinə 73,1 milyon manat sərf olunacaq.

Qeyd edək ki, Ağdam şəhərinə ilkin mərhələdə 1268 məcburi köçkün ailələrinin köçürülməsi nəzərdə tutulub.

Xatırladaq ki, “SMTS” MMC 2007-ci ildən Azərbaycan tikinti sektoru sahəsində fəaliyyətə başlayıb.