ABŞ İsrailin baş naziri Benyamin Netanyahunun tənqidindən dərin məyusluq hissi keçirir və bunu əsassız hesab edir.
İqtisadiyyat.az xəbər verir ki, bu barədə Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi jurnalistlər üçün keçirilən növbəti onlayn brifinqdə bildirib.
"Düşünürəm ki, biz müxtəlif kanallar vasitəsilə israilli həmkarlarımıza bu ifadələrdən dərin məyusluğumuzu, eləcə də onların dəqiqliyi ilə bağlı narahatlığımızı açıq şəkildə bildirdik", - Ağ Evin sözçüsü deyib.
O, Netanyahunun iyunun 18-də yayımlanan ingilis dilində videomüraciətinə münasibət bildirib. Bu videoda Baş nazir ABŞ-nin İsrailə silah tədarükünü məhdudlaşdırmaq qərarını ağlasığmaz adlandırıb və bu məhdudiyyətlərin aradan qaldırılmasını tələb edib.
"Bizim İsrailə özünümüdafiə ehtiyacları ilə bağlı yardımı bir növ dayandırdığımız barədə fikir tamamilə yanlışdır", - Kirbi bildirib.
