"Digər ölkələrlə yeni məhbus mübadiləsinə dair sazişlərin bağlanması ABŞ Prezidenti Co Bayden üçün prioritet olaraq qalır".

İqtisadiyyat.az xəbər verir ki, bunu Ağ Evin mətbuat katibi Karine Jan-Pyer jurnalistlər üçün keçirdiyi növbəti brifinqdə deyib.

"İş davam edir, Baydenin komandası, Ağ Evin Milli Təhlükəsizlik Şurası, ABŞ Prezidentinin Milli Təhlükəsizlik üzrə köməkçisi Jake Sullivan və onun komandası, Dövlət Departamenti əsir düşmüş amerikalıları geri qayıtmaq üçün mümkün olan hər şeyi etməyə davam edəcək", - deyə Amerika liderinin nümayəndəsi bildirib.

Rusiyanın ABŞ-dəki səfiri Anatoli Antonov bir müddət əvvəl TASS-a verdiyi müsahibədə qeyd edib ki, Moskva ilə Vaşinqton arasında əsirlərin mübadiləsi üzrə işlər başa çatmayıb, lakin bu tipli yeni sövdələşmələrin bu müddət ərzində baş verib-verməyəcəyini söyləmək mümkün deyil.