Fransa xəbər agentliyi Agence France-Presse (AFP) xəbər məzmununa görə ödənişi təmin etmək səbəbilə "X" ("Twitter") sosial media platformasına qarşı müəllif hüquqları ilə bağlı iddia qaldırıb.

İqtisadiyyat.az xəbər verir ki, bu barədə "Associated Press" (AP) agentliyi məlumat yayıb.

AP-nin xəbərinə görə, Avropa Birliyinin (AB) əqli mülkiyyət "qonşuluq hüquqları" qaydaları çərçivəsində, yayımçılar məhsullarının rəqəmsal platformalarda paylaşılması üçün ödəniş tələb edə bilərlər.

AFP Paris məhkəməsinə müraciət edərək Elon Maska məxsus "X" şirkəti tərəfindən agentliyə "borclu xidmət haqqının qiymətləndirilməsi" üçün lazım olan məlumatları təqdim edib.

Agentlik bildirib ki, "X" xəbər agentliklərinə rəqəmsal platformalardan təzminat tələb etməyə imkan verən müəllif hüquqlarının qorunması məsələsi ilə bağlı məsləhətləşmələr aparmaq üçün müraciət edib, ancaq sorğuya "qəti imtina" cavabı alıb.

Şirkətin sahibi Elon Mask isə AFP-nin iddiası ilə bağlı ritorik sual ilə mövqe bildirib: "Biz onların vebsaytlarına trafik təmin edirik və reklamlarla onlara qazanmaq şansı veririk. Onlar bizdən pul istəyirlər?".