Bu barədə İqtisadiyyat.az Agentliyin tabeliyindəki Tikilməkdə Olan Obyektlərin Müdiriyyətindən məlumat əldə edib.
Məlumata görə, ADSEA layihə-smeta sənədlərinin hazırlanması və tikintisi işlərinin icrasını “Avro-Asiya İnşaat Korporasiyası — Evrascon” Açıq Səhmdar Cəmiyyətinə həvalə edib və onunla müqavilə bağlayıb.
Müqaviləyə əsasən, sahil kollektorunun yenidən qurulması üçün layihə-smeta sənədlərinin hazırlanması və tikintisi işlərinin icrası 90 600 000 manata başa gələcək.
Qeyd edək ki, “Evrascon” 2003-cü ildə qeydiyyata alınıb. Nizamnamə kapitalı 377 290 manat olan ASC-nin adı mətbuatda Azərbaycanın baş nazirinin keçmiş müavini Abid Şərifovun şirkəti kimi hallanıb. Şirkətin qanuni təmsilçisi isə İsmiyev Həmzət İsmayıl-Əfəndiyeviçdir.