“Azəri-Çıraq-Günəşli” və “Şahdəniz” yataqları istismara veriləndən 01 iyun 2023-cü il tarixinədək 616,6 mln. tona yaxın neft (kondensatla birlikdə) hasil edilib.

Energetika Nazirliyindən verilən məlumata görə, hesabat dövründə AÇG- dən 574,5 mln. ton neft, “Şahdəniz”dən isə 42,1 mln. tona yaxın kondensat çıxarılıb.

“Bundan 01 iyun 2023-cü il tarixinədək 614,7 milyon tonu ixraca nəql edilib”, - məlumatda bildirilir.

Məlumata əsasən, 2023-cü ilin yanvar-may ayları ərzində ölkədə 12,7 mln. ton neft (kondensatla birlikdə) hasil edilib. Neft hasilatının 7,7 mln. tonu “Azəri-Çıraq-Günəşli”nin, 1,8 mln. tonu (kondensat) “Şahdəniz”in payına düşüb. SOCAR üzrə neft (kondensatla birlikdə) hasilatı 3,2 milyon ton təşkil edib.

“Hesabat dövründə 10,6 milyon ton neft (kondensatla birlikdə) ixraca nəql olunub. Bunun 9,5 milyon tonu konsorsiumun, 1,1 milyon tonu isə SOCAR-ın payına düşür”, - məlumatda vurğulanır.