“AccessBank” QSC dövriyyədə olan imtiyazlı səhmləri geri alır.

İqtisadiyyat.az xəbər verir ki, bank hər birinin nominal dəyəri 1 manat olan dövriyyədəki bütün 11 388 889 (on bir milyon üç yüz səksən səkkiz min səkkiz yüz səksən doqquz) ədəd imtiyazlı səhminin geri alınmasını və müvafiq məbləğdə nizamnamə kapitalının azaldılmasını elan edib.

İmtiyazlı səhmlərin geri alqı-satqısı üzrə məcmu dəyər 11,388,889 (on bir milyon üç yüz səksən səkkiz min səkkiz yüz səksən doqquz) manat təşkil edir.

İmtiyazlı səhmlər bankın ötən ilinin mənfəəti hesabına geri alınır və məcmu kapitalın eyni həcmdə azalması ilə bankın kapital adekvatlığı buferi yüksək olaraq qalacaq və məcmu kapital həcmi requlyativ normadan üç dəfə çox olacaq.