"Accessbank” 2,5  milyon dollar borca girir. 

İqtisadiyyat.az xəbər verir ki, bununla bağlı bank qeyd edilən həcmdə istiqraz buraxır.

İyunun 11-də Bakı Fond Birjasında "Accessbank”ın dollar istiqrazları standart bazar seqmentində listinqə daxil edilib. 

Nominal dəyəri min dollar olan istiqrazların sayı 2500 ədəd, illik gəlirliliyi 6%-dir. Kupon ödənişləri rübdə bir dəfə olacaq istiqrazların tədavül müddəti isə 18 aydır. 

Qeyd olunan istiqrazların yerləşdirilməsi Bakı Fond Birjasında rəqabətli hərrac üsulu ilə həyata keçiriləcək. İstiqrazların yerləşdirilməsi üzrə anderrayter “Unicapital İ.Ş” ASC-dir.

Xatırladaq ki, "Access Bank" 2002-ci ildə yaradılıb. Onun nizamnamə kapitalı 258,7 milyon manatdır. Bankın əsas səhmdarları Asiya İnkişaf Bankı (20,33%), Avropa İnvestisiya Bankı (17,76%), Beynəlxalq Maliyyə Korporasiyası (15,86%), Hollandiya İnkişaf Bankı (9,62%) və Avstriya İnkişaf Bankıdır (9,36%).