İqtisadiyyat.az xəbər verir ki, bu barədə Cenevrədə ABŞ və Çin arasında iqtisadi və ticarət məsələləri üzrə iki günlük danışıqların yekunu üzrə tərəflərin birgə bəyanatında deyilir.
Qeyd edilir ki, ABŞ aprel ayında Çindən gətirilən mallara tətbiq edilən əlavə rüsumları ilkin 90 gün müddətinə 24 faiz bəndi azaldacaq, qalan rüsum dərəcəsini 10% səviyyəsində saxlayacaq.
Kommunikeyə əsasən, Çin də öz tərəfində oxşar tədbirlər görəcək.
Beləliklə, ilkin olaraq Çin ABŞ-yə tətbiq etdiyi tarifləri 90 gün ərzində 125 faizdən 10 faizə endirəcək. ABŞ eyni müddət ərzində Çinə tətbiq etdiyi tarifləri 145 faizdən 30 faizə endirəcək.
Qeyd edilib ki, Çin və ABŞ arasında ticarət-iqtisadi əlaqələr üzrə danışıqların davam etdirilməsi üçün mexanizm yaradılacaq.
Birgə bəyanata görə, ABŞ və Çin, ticarət gərginliyini azaltmaq və dünyanın iki ən böyük iqtisadiyyatı arasında fikir ayrılıqlarını həll etmək üçün daha üç ay müddətinə gömrük rüsumlarını azaldırlar.
Gözəl Azadəliyeva
