ABŞ müdafiə naziri Lloyd Ostin gələn həftə Sinqapurda Çinin müdafiə naziri Donq Cun ilə ikitərəfli görüş keçirəcək.

İqtisadiyyat.az xəbər verir ki, bu barədə Pentaqonun mətbuat xidməti məlumat yayıb. 

Qeyd edilib ki, Ostin gələn həftə Sinqapura gedəcək və burada "Shangri-La Dialogue" beynəlxalq təhlükəsizlik forumunda iştirak edəcək. O, baş nazir və Sinqapur rəhbərliyinin digər nümayəndələri ilə görüşəcək, Cənub-Şərqi Asiya ölkələrindən olan həmkarları ilə məsləhətləşmələr aparacaq, həmçinin Yaponiya və Koreya Respublikasından olan həmkarları ilə üçtərəfli görüşdə iştirak edəcək. 

"Ostin, həmçinin Hind-Sakit okean regionu ölkələrindən olan digər həmkarları, eləcə də Çin Xalq Respublikasının müdafiə naziri admiral Donq Cun ilə ikitərəfli görüşlər keçirməyi planlaşdırır", - deyə məlumatda qeyd olunub.

Pentaqonun mətbuat xidməti vurğulayıb ki, aprelin 16-da ABŞ və Çin müdafiə nazirliklərinin rəhbərləri arasında videobağlantı vasitəsilə danışıqların davamı olaraq üzbəüz məsləhətləşmələr keçiriləcək.