ABŞ səlahiyyətliləri fevralın 3-də elan ediləcək yeni hərbi yardım paketinin bir hissəsi olaraq Ukraynaya GPS idarəolunan yerüstü raketlər göndərəcək.
İqtisadiyyat.az xəbər verir ki, bu barədə Bloomberg məlumat yayıb.
Agentliyin məlumatına görə, Vaşinqton 9 ay ərzində Boeing tərəfindən hazırlanmış GLSDB uzaqmənzilli dəqiq idarə olunan sursatların Ukraynaya çatdırılmasına başlayacaq . Bu sistem GBU-39 dəqiq idarə olunan bomba və raket mühərrikini birləşdirir.
Kiyev üçün yeni hərbi yardım paketinə həmçinin Claymore piyada əleyhinə minalar, Patriot sistemləri üçün avadanlıq və MK 153 əl qumbaraatanları daxildir.