ABŞ Müdafiə Nazirliyi "F-16" döyüş təyyarələrindən səmərəli istifadə etmək üçün ukraynalı pilotlarla təlimə başlayacaq.

İqtisadiyyat.az xarici mediaya istinadən bildirir ki, bu barədə Pentaqonun sözçüsü, briqada generalı Patrik Rayder Arizona ştatının Tucson şəhərində ukraynalı pilotlar üçün planlaşdırılan F-16 təlimləri haqqında məlumat verib.

Onun sözlərinə görə, təlimin oktyabr ayında başlaması gözlənilir. Təlimdən öncə ukraynalı pilotlar ingilis dili təhsili alacaqlar:

"ABŞ tərəfindən verilən təlim Avropada davam edən "F-16" təlimini tamamlayacaq. Bu, Danimarka və Hollandiyanın rəhbərlik etdiyi "F-16" təlimlərinə dəstəyimizi daha da artıracaq”. 

Qeyd edək ki, bir müddət öncə Hollandiya və Danimarka ABŞ istehsalı olan "F-16" döyüş təyyarələri  ilə bağlı ukraynalı pilotlara təlim keçirilməsi barədə razılığa gəliblər.

Gülşən Şərif