ABŞ Senatı Ukrayna, İsrail və Tayvana 95 milyard dollarlıq yardım paketini təsdiqləyib.

İqtisadiyyat.az xəbər verir ki, bu barədə Ağ Ev məlumat yayıb.

ABŞ Senatı 61 milyard dolları Ukraynaya, 26 milyard dolları isə İsrailə hərbi yardım məqsədilə ayırıb. Bundan əlavə, 9 milyard dollar Qəzza da daxil olmaqla müharibə bölgələri, 8,1 milyard dolları isə Tayvan üçün ayrılıb. 

Senat ümumilikdə 95 milyard dollarlıq xarici yardım paketini təsdiqləyərək Ağ Evə göndərib.

Keçən həftə sonu ABŞ Nümayəndələr Palatasında təsdiqlənən və Senata göndərilən xarici yardım paketi Senatın Baş Assambleyası tərəfindən 18 əleyhinə, 78 leyhinə səslə qəbul edilib.

 

Gözəl Həşimova