ABŞ rəsmiləri Türkiyənin maliyyə qurumları ilə əlaqə saxlayıb və Rusiya ilə əməliyyatlara davam edəcəkləri təqdirdə onları sanksiyalarla hədələyiblər.

İqtisadiyyat.az bu barədə TASS-a istinadən xəbər verir.

Məlumata görə, əməliyyatlar hələ də türk bankları vasitəsilə həyata keçirilə bilər, lakin bunun üçün bir sıra şərtlərin yerinə yetirilməsi və müəyyən sənədlərin və sübutların təqdim edilməsi tələb olunur.

Qeyd edək ki, bu ilin mart ayında da ABŞ-nin Türkiyədəki səfirliyi və baş konsulluğunun ayrı-ayrı əməkdaşları şirkətlərə və maliyyə qurumlarına baş çəkərək, onları Rusiya ilə iş görməkdən çəkinməyi tövsiyə ediblər.

 

Gözəl Həşimova