ABŞ "Taliban" hərəkatını Əfqanıstanın qanuni hökuməti kimi tanımağı planlaşdırmır.
İqtisadiyyat.az xəbər verir ki, bu barədə Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi brifinqdə Rusiya rəhbərliyinin "Taliban"la bağlı bəyanatlarını şərh edərkən bildirib.
“Biz Talibanı Əfqanıstanın rəsmi rəhbərliyi kimi tanıya bilməyəcəyik. Taliban hakimiyyətə gəldikdən sonra yerinə yetirəcəyinə söz verdiyi heç bir öhdəliyi yerinə yetirməyib”, - deyə o əlavə edib.
Qeyd edək ki, mayın 27-də Rusiyanın xarici işlər naziri Sergey Lavrov bildirib ki, “Taliban”ın terror təşkilatları siyahısından çıxarılması təşəbbüsü reallığın dərk edilməsini əks etdirir.
Gözəl Həşimova
