İqtisadiyyat.az bu barədə "The New York Times"a istinadən xəbər verir.

ABŞ bu ölkənin şimal-şərqindəki səkkiz əməliyyat bazasından üçünü bağlayır, hərbçilərin sayını 2000-dən 1400-ə endirir. Qeyd edilib ki, ölkədə 500 ABŞ hərbçisinin qalacağı gözlənilir.

İxtisar Pentaqon və Mərkəzi Komandanlıq tərəfindən təsdiq edilmiş bazaların bağlanması və möhkəmləndirilməsi ilə bağlı Ordunun tövsiyələrinə əsaslanır.

Mənbələr bildiriblər ki, ABŞ komandirləri 60 gün ərzində ixtisarın davam edib-etməyəcəyini qiymətləndirəcəklər.

Məlumata görə, ABŞ prezidenti Donald Trampın administrasiyasının Suriya ilə bağlı siyasətini yenidən nəzərdən keçirəcəyi gözlənilir və bəzi rəsmilər Amerika qoşunlarının sayının yarıdan çox azaldıla və ya hətta tamamilə çıxarıla biləcəyinə inanırlar.

 

Gözəl Azadəliyeva