İqtisadiyyat.az xəbər verir ki, sözügedən razılaşmaların ümumi potensial investisiya dəyəri 60 milyard dollar həcmində qiymətləndirilir.

ADNOC-un rəsmi açıqlamasında bildirilir ki, əsas layihələr arasında "ExxonMobil" şirkətinin iştirakı ilə dənizdə yerləşən "Yuxarı Zakum" yatağında hasilatın artırılması, "Occidental Petroleum" ilə birgə "Shah" yatağında qaz hasilatının genişləndirilməsi və "EOG Resources" şirkətinə Əbu-Dabidə yerləşən 3-cü Blokda qeyri-ənənəvi karbohidrogen ehtiyatlarının axtarışı üzrə kəşfiyyat işləri aparmaq üçün konsessiya verilməsi nəzərdə tutulur.

BƏƏ-nin sənaye və qabaqcıl texnologiyalar naziri, ADNOC-un baş direktoru Sultan əl-Cabir əldə olunmuş razılaşmaların əhəmiyyətini vurğulayaraq bildirib: “BƏƏ və ABŞ arasında möhkəm ikitərəfli münasibətlər enerji təhlükəsizliyinə dair ortaq öhdəliklərimizə əsaslanır və biz bu bağlılığımızı ABŞ-ın aparıcı enerji şirkətləri ilə imzalanan sazişlərlə bir daha təsdiqləyirik”.

Qeyd edək ki, 12 may tarixində ABŞ-nin "Axios" portalı adları açıqlanmayan rəsmi şəxslərə istinadla Trampın ərəb ölkələrinə səfəri çərçivəsində ümumi dəyəri 1 trilyon dollar olan bir sıra razılaşmalar imzalamağı planlaşdırdığını yazmışdı.