"Amerika administrasiyası hesab edir ki, Rusiya nüvə silahlarına nəzarət üzrə danışıqlara qayıtmağa məcbur olacaq, çünki nəzarətsiz nüvə rəqabəti Moskvanın maraqlarına cavab vermir".

İqtisadiyyat.az xəbər verir ki, bunu ABŞ müdafiə nazirinin kosmik siyasət üzrə köməkçisi vəzifəsini icra edən Vipin Naranq deyib.

"İnanıram ki, Rusiya məhdudiyyətsiz nüvə rəqabətinin onun maraqları olmadığını başa düşəndə, məsələn, Strateji Silahların Azaldılması Müqaviləsi - START-3-ü əvəz edəcək yeni müqavilənin hazırlanması ilə bağlı danışıqlara qayıdacaq və mən qəti şəkildə əminəm ki, qeyrisi onun maraqlarına uyğun deyil", - o, Strateji və Beynəlxalq Araşdırmalar Mərkəzində keçirilən seminarda deyib.

Pentaqonun sözçüsü əlavə edib ki, Rusiya və Çin məhdudlaşdırıcı danışıqlardan imtina edərsə, Vaşinqton bu əsasda hərəkət edəcək: "Birincisi, nüvə strategiyamızın belə bir dünya üçün hazırlandığından əmin olmalıyıq və növbəti prezidentə çevik variantlar təqdim etmək üçün indi düzgün qərarlar verməliyik".

Naranq əlavə edib ki, ABŞ həm də müttəfiqlər və tərəfdaşlar şəbəkəsini gücləndirmək niyyətindədir.