Birləşmiş Ştatlar prosesin hüquq sisteminə uyğun olmasını təmin etmək üçün Rusiyanın dondurulmuş aktivlərinin müsadirə edilməsi məsələsində Yeddilik Qrupu (G7) tərəfdaşları ilə məsləhətləşmələri davam etdirir. 

İqtisadiyyat.az xəbər verir ki, bu bəyanatla Dövlət Departamentinin mətbuat xidmətinin rəis müavini Vedant Patel brifinqdə çıxış edib.

Qeyd edək ki, Avropa İttifaqı, Kanada, ABŞ və Yaponiya xüsusi hərbi əməliyyata başlayandan sonra Rusiyanın təxminən 300 milyard dollarlıq aktivlərini dondurub. Bunun təxminən 5-6 milyard dolları ABŞ-nin payına düşür. ABŞ Konqresi daha əvvəl Ukrayna, İsrail və Tayvana hərbi yardım göstərilməsi, Rusiya Federasiyasının dondurulmuş aktivlərinin əslində Kiyevə verilməsi üçün müsadirə edilməsi, habelə Çinə qarşı əlavə sanksiyaların tətbiqi haqqında qanun layihələri paketini təsdiqləyib.