Birləşmiş Ştatlar tezliklə Qəzza zolağının gələcəkdə necə idarə olunması ilə bağlı konkret fikirlərini təqdim etmək niyyətindədir.

İqtisadiyyat.az xəbər verir ki, bu barədə ABŞ dövlət katibi Antoni Blinken Qətərin paytaxtı Dohada "Əl-Cəzirə" televiziyasına müsahibəsində bildirib

"Təfərrüatlara varmadan deyə bilərəm ki, biz ideyaları, baş verməli olduğunu düşündüyümüz konkret ideyaları təqdim edəcəyimiz, hər şeyi təşkil etməyə necə kömək edəcəyimiz nöqtəsindəyik. Əslində problemin öhdəsindən gəlmək mümkündür. Qəzzanın, fələstinlilərin üzləşdiyi problemlər, o cümlədən cari silahlı münaqişənin sona çatmasından sonra ortaya çıxacaq çağırışlar üzərində işləməliyik", - Amerika diplomatiyasının rəhbəri bildirib.