ABŞ Maliyyə Nazirliyi Baltikyanı bölgədə yerləşən "Qazprom"un orta ölçülü mayeləşdirilmiş təbii qaz (MTQ) zavoduna yeni sanksiyalar tətbiq edib.

İqtisadiyyat.az xəbər verir ki, bu barədə ABŞ Maliyyə Nazirliyinin mətbuat xidməti məlumat yayıb. 

Belə ki, "Qazprom MTQ Portovaya" MMC sanksiyalara məruz qalıb. Bundan əlavə, "NOVATEK" və Qazprombankın birgə müəssisəsi olan "Krioqaz-Vısoçk" MMC-yə qarşı da məhdudiyyətlər tətbiq olunub.

Sanksiyalar həmçinin "Rosatom"un baş direktoru Aleksey Lixaçova, "Lukoyl" şirkətinin sahibi Vahid Ələkbərovun oğlu Yusif Ələkbərova, "Qazpromneft" rəhbəri Aleksandr Dyukova, "Tatneft" rəhbəri Nail Mağanova, "Zarubejneft" rəhbəri Sergey Kudryaşova və "Başneft" rəhbəri Vladimir Çernova qarşı da tətbiq edilib.