Birləşmiş Ştatlar Amerika beynəlxalq tərəfdaşları tərəfindən əvvəllər qəbul edilmiş məhdudiyyətlərə uyğun olaraq qabaqcıl texnologiyaların, o cümlədən kvant kompüterlərinin ixracına yeni nəzarətlər tətbiq edib.
İqtisadiyyat.az xəbər verir ki, bu barədə ABŞ Ticarət Nazirliyinin Amerika hökumətinin rəsmi sənədlər toplusu olan Federal Reyestrdə yerləşdirilmiş bildirişində deyilir.
Qadağalar Kvant kompüterlərinə əlavə olaraq, qabaqcıl yarımkeçirici istehsal avadanlıqlarına, metal komponentlər üçün əlavə istehsala və GAAFET sahə effektli tranzistor texnologiyalarına təsir göstərəcək.
"Bugünkü qadağalar bizə ixrac nəzarətimizin sürətlə inkişaf edən texnologiyalara uyğun olmasını və beynəlxalq tərəfdaşlarla əməkdaşlıqda işlədiyimiz zaman daha effektiv olmasını təmin etməyə imkan verir", - deyə məlumatda qeyd edilib.
Sənəddə əlavə edilib ki, tədbirlər milli təhlükəsizliyə təhdid yarada biləcək, xüsusən də düşmənlər tərəfindən istifadə olunarsa, qabaqcıl texnologiyalardan sui-istifadə hallarının qarşısını almaq məqsədi daşıyır.
Böyük Britaniya da daxil olmaqla bir neçə ölkə artıq oxşar nəzarət tətbiq edib. Ekspertlər hesab edirlər ki, bu addımlar Çinə qarşı yönəlib.
