ABŞ ordusunda ən azı 23 hərbçiyə cinsi təcavüz etdiyi iddiası ilə hərbi həkim məhkəməyə verilib. Təsdiqini taparsa, bu, son illərdə orduda ən böyük istismar hadisəsi ola bilər.
İqtisadiyyat.az The Washington Posta istinadən xəbər verir ki, 37 yaşlı mayor Maykl Stokin hərbçilərlə bağlı bir il davam edən araşdırmadan sonra sözügedən cinayətdə ittiham olunub.
Vaşinqtondakı Lewis-McChord Birgə Bazasında anestezioloq kimi çalışan mayor Stokinə 2022-ci ilin fevralından bəri xəstələri müalicə etmək qadağan edilib. Ordunun sözçüsü Cynthia Smith verdiyi açıqlamada, həkimə qarşı ittihamların hərbi qanunları pozaraq "istismaredici cinsi əlaqə və uyğun olmayan görüntülər"dən ibarət olduğunu dilə gətirib.
Bir əsgər keçən həftə nəşrə açıqlamasında 2022-ci ilin yanvarında klinikada müalicə aldıqdan sonra həkimdən şikayət etdiyini bildirib.
Məsələ araşdırma mərhələsində olduğundan mayora qarşı yekun ittihamlar hələ ki, açıqlanmır.
