Ötən ay ABŞ-nin federal büdcə kəsiri 2023-cü ilin eyni dövrü ilə müqayisədə təxminən 1,8 dəfə azalıb.

İqtisadiyyat.az xəbər verir ki, bu barədə ABŞ Maliyyə Nazirliyinin məlumatında deyilir.

Hesabat dövründə ABŞ-nin büdcə kəsiri 21,93 milyard dollar təşkil edib. Halbuki, ötən ilin yanvar ayında bu göstərici 38,78 milyard dollar olub.

Bundan başqa, maliyyə ilinin əvvəlindən (oktyabrın 1-dən başlayır) büdcə kəsiri 531,86 milyard dollar təşkil edib ki, bu da 2023-cü ilin eyni dövrü ilə müqayisədə 16% çoxdur.

Yanvarın əvvəlinə ölkənin dövlət borcu isə 4 trilyon dollar artaraq 34 trilyon dollara yüksəlib.

 

Gözəl Həşimova