ABŞ Nümayəndələr Palatasında İsrailə təqdim edilən yeni təkbaşına yardım qanun layihəsi, Yaxın Şərqdəki gərginlik fonunda ölkəni dəstəkləmək üçün 26 milyard dollardan çox vəsaitin ayrılmasını nəzərdə tutur.

İqtisadiyyat.az xəbər verir ki, bu barədə sənədin mətnində qeyd edilib.

Sənədin mətninə əsasən, İsrailə ötürülən silahların istismarı və saxlanması üçün 4,4 milyard dolların ayrılması təklif edilir. Iron Dome və David's Sling hava hücumundan müdafiə sistemləri üçün raket ehtiyatlarının artırılması üçün isə daha 4 milyard dollar ayrılması təklif edilir.

Bundan başqa, qanun layihəsində İsrailə qarşı təhdidlərə cavab olaraq Yaxın Şərqdə fəaliyyət göstərən ABŞ hərbi qüvvələrinin maliyyələşdirilməsinə 2,4 milyard dollar ayrılması təklifi də var.