İqtisadiyyat.az xəbər verir ki, bu barədə ştat administrasiyasının rəsmi saytında məlumat yerləşdirilib.

"Luiziana Ştatının İctimai Təhlükəsizlik və Cəzaçəkmə Müəssisələri Departamenti ölüm hökmlərinin icrasına imkan verən yenilənmiş protokol üzərində işi başa çatdırıb", – deyə məlumatda qeyd olunub.

Bildirilib ki, ölüm hökmləri qaz halında olan azot vasitəsilə icra ediləcək.

"Təyin edilmiş vaxtda məhkumun üzərinə maska taxılacaq və ona təmiz qaz halında azot verilməyə başlanacaq. Bu proses məhkumun ölümünə səbəb olacaq qədər uzun müddət davam edəcək", – deyə açıqlamada bildirilib.

Qeyd edək ki, Luiziana ştatında ölüm cəzasına rəsmi qadağa yox idi, lakin sonuncu edam 2010-cu ildə icra olunmuşdu.