"Birləşmiş Ştatlar alyansın Vaşinqtonda keçiriləcək sammitində NATO-nun hərbi xərclərinin artırılmasına təkan vermək niyyətində deyil".
İqtisadiyyat.az xəbər verir ki, bu barədə Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi brifinqdə bildirib.
"ABŞ Prezidenti Co Bayden bu sammitdə ÜDM-in müdafiə xərclərinin yeni səviyyəsini təyin etmək niyyətində deyil", - Kirbi qeyd edib.
Şimali Atlantika Alyansının sammiti iyulun 9-11-də Vaşinqtonda keçiriləcək. Hərbi xərclərin NATO ölkələrinin ÜDM-nin 2%-nə çatdırılması məqsədi 2014-cü ilin sentyabrında Uelsdə keçirilən sammitdə Krımın Rusiyaya birləşdirilməsi ilə bağlı Rusiya təhlükəsini əsas gətirərək qarşıya qoyulmuşdu. 2023-cü ilin iyulunda Vilnüsdə keçirilən sammitdə qərara alınıb ki, ÜDM-in 2%-i NATO dövlətləri üçün hədəfə deyil, müdafiə xərclərinin minimum səviyyəsinə çevrilsin.
