ABŞ-da 17 musiqi nəşriyyatı 1700-ə yaxın mahnının müəllif hüquqlarını pozduğu üçün “ Twitter”i məhkəməyə verib.

İqtisadiyyat.az dünya mediasına istinadən bildirir ki, musiqi naşirlərini təmsil edən Milli Musiqi Naşirləri Assosiasiyası (NMPA) 250 milyon dollardan çox təzminat tələb edib.

""Twitter" milyonlarla mahnıya lisenziya verməkdən imtina edən yeganə böyük sosial media platformasıdır", deyə  NMPA prezidenti David Israelite bildirib.

O, qeyd edib ki, müəllif hüquqlarını pozan "Twitter" lisenziyalar üçün pul ödəyən “TikTok”, “Facebook”, “Instagram”, “YouTube” və “Snapchat” kimi rəqiblər üzərində “ədalətsiz üstünlük” təmin edir.