ABŞ-nin maliyyə naziri Canet Yellen bu il Çinə səfər etməyi planlaşdırır.
İqtisadiyyat.az xəbər verir ki, bu barədə idarənin mətbuat xidməti məlumat yayıb.
Qeyd edilib ki, Çin-ABŞ Hökumətlərarası Maliyyə İşçi Qrupu fevralın 5-6-da Pekində məsləhətləşmələr aparıb və bu müddət ərzində ABŞ rəsmiləri Çin Baş nazirinin müavini He Lifeng ilə görüşüb və Yellenin Çinə işgüzar səfər etmək niyyətini açıqlayıb: "ABŞ nümayəndələri nazirin bu ilin uyğun vaxtında Çinə səfərini səbirsizliklə gözlədiyini bildirdilər", - hesabatda deyilir.
Yellen sonuncu dəfə ötən ilin iyulunda Çinə səfər edib. İşgüzar səfər çərçivəsində ABŞ Xəzinədarlığının rəhbəri yüksək vəzifəli Çin rəsmiləri ilə görüşüb.
