“İsrailin İranın Suriyadakı səfirliyi yaxınlığındakı binaya hücumundan sonra gərginliyin artması fonunda Yaxın Şərqdəki amerikalılar risk altındadır”.

İqtisadiyyat.az xəbər verir lki, bu barədə ABŞ Nümayəndələr Palatasının xüsusi kəşfiyyat komitəsinin sədri Mayk Törner bildirib.

Konqresmen İrandan gələn təhlükənin mahiyyəti və amerikalıların təhlükə altında olub-olmaması barədə suala belə cavab verib: “Yaxşı, mən hesab edirəm ki, bölgədəki amerikalılar hələ də risk altındadır. İranın etibarlı nümayəndələri bölgədəki ABŞ əsgərlərinə hücum etməkdə davam edir və Bayden administrasiyası cavab verməkdə ləngdir”.

Onun sözlərinə görə, Vaşinqton İranın birbaşa İsraillə münaqişəyə girməməsi üçün Yaxın Şərq regionuna əlavə qüvvələr yerləşdirib.

Qeyd edək ki, aprelin 1-də İsrail Hərbi Hava Qüvvələri Suriyanın paytaxtı Dəməşqdə İran səfirliyinin yanındakı binaya zərbələr endirib.