ABŞ Nümayəndələr Palatası məxfiliklə bağlı narahatlıqlar səbəbindən populyarlığı artan ən müasir süni intellekt modeli olan ChatGPT-dən istifadəni məhdudlaşdırıb.

İqtisadiyyat.az xəbər verir ki, nümayəndələr Palatasının Baş İcraçı Direktorunun xəbərdarlığına görə, millət vəkilləri və məclis əməkdaşları yalnız korporativ məlumatların qorunması üçün zəruri olan məxfilik xüsusiyyətlərinə malik ChatGPT-nin "ChatGBT Plus" versiyasından istifadə edə biləcəklər.

Süni intellekt modeli ChatGPT-nin yalnız “araşdırma” və “qiymətləndirmə” məqsədləri üçün istifadə edilməli olduğu barədə xəbərdarlıq edən qeydə görə, tətbiqdə yalnız həssas olmayan məlumatlardan istifadə edilməlidir.

ABŞ-də başda prezident Co Bayden olmaqla bir çox deputatlar süni intellektin və ən son inkişaf edən texnologiyaların təklif etdiyi riskləri təhlükəli hesab edir və bu mövzuda hər kəsi hərəkətə keçməyə çağırırlar.