ABŞ administrasiyası Kanada, Çin və Almaniyadan gələn qalaylanmış polad üçün əlavə gömrük rüsumları tətbiq etmək qərarına gəlib.
İqtisadiyyat.az xəbər verir ki, bu barədə "Reuters" məlumat yayıb.
Məlumata görə, ABŞ Ticarət Departamenti yerli polad istehsalçılarını qorumaq üçün Kanada, Almaniya və Çindən idxal edilən qalaylanmış polad üçün əlavə rüsumlar təyin edəcəyini açıqlayıb.
Departament Çindən idxal edilən qalay konserv poladına 122,5 faiz, Almaniyadan idxala 7,02 faiz və Kanadadan idxala 5,29 faiz əlavə rüsumunun tətbiqini təklif edəcəyini açıqlayıb.
Ticarət Departamenti İngiltərə, Hollandiya, Cənubi Koreya, Tayvan və Türkiyədən gətirilən və qida qutularında və digər qablarda istifadə edilən polada rüsum tətbiq edilməyəcəyini açıqlayıb.
