ABŞ İtaliyadan oğurlanmış və 1990-cı illərdə ölkədəki muzeylərə və kolleksiyaçılara satılan 250-dən çox antikvarı geri qaytarıb.

İqtisadiyyat.az xəbər verir ki, bu barədə "BBC" məlumat yayıb.

Məlumata görə, İtaliyaya qaytarılan qablar, rəsmlər və heykəllər kimi bəzi parçalar 3000 il əvvələ aiddir.

Əsərlər arasında olan bəzi mozaikaların milyonlarla avro dəyərində olduğu təxmin edilir.

Bu əsərlərin 1990-cı illərdə İtaliyadan oğurlanaraq hərracçılar vasitəsilə ABŞ-dəki muzey və kolleksiyaçılara satıldığı bildirilir.

İtaliya Mədəniyyət Nazirliyindən verilən açıqlamaya görə, polis tərəfindən Texasdakı muzeydə sərgilənən əsərlərin qeyri-qanuni yollarla əldə edildiyi öyrənilib, bundan sonra əntiq əşyalar qaytarılıb.