İsrail hakimiyyəti Qəzza zolağında aclığın qarşısını almaq üçün bütün mümkün tədbirləri görməyə borcludur.

İqtisadiyyat.az xəbər verir ki, bunu ABŞ-nin Yaxın Şərqdə humanitar məsələlər üzrə xüsusi elçisi Devid Satterfild Dövlət Departamentində jurnalistlərə açıqlamasında deyib.

"Bütün Qəzzada, xüsusilə də şimalda qıtlıq riski çox yüksəkdir. Biz çox açıq şəkildə bildirmişik ki, İsrail Qəzzada aclığın qarşısını almaq üçün səylərə töhfə vermək üçün əlindən gələni etməlidir. ABŞ prezidenti Co Bayden bunu İsrailə açıqlayıb", - diplomat qeyd edib.

Onun sözlərinə görə, son iki həftə ərzində İsrail fələstinlilərə humanitar yardım göstərmək üçün mühüm addımlar atıb: "Lakin yardımın təkcə cənubda, mərkəzdə deyil, həm də Qəzza zolağının şimalında səmərəli və effektiv paylanmasını təmin etmək üçün daha çox iş görülməlidir".