ABŞ-ın müdafiə naziri Lloyd Ostin İsveçin NATO-ya üzvlüyünün dənizdə və havada alyansa ciddi töhfələr verəcəyini bildirib.

İqtisadiyyat.az xəbər verir ki, NATO-nun Brüsseldəki qərargahında keçirilən NATO Müdafiə Nazirləri Toplantısının yekununda jurnalistlərə açıqlama verən Ostin, 11-12 iyul tarixlərində Litvanın paytaxtı Vilnüsdə keçiriləcək NATO Zirvə toplantısına hazırlıqla bağlı müzakirələr apardıqlarını bildirib.

Finlandiyanın NATO üzvü olaraq ilk dəfə bir zirvə toplantısına qatılacağını xatırladan Austin, İsveçin də iştirakının ən qısa zamanda təsdiqlənməsinə çağırdıqlarını bildirib.

İsveçin NATO-ya üzvlüyünün nə kimi töhfələr verəcəyi sualına cavab verən Austin, İsveçin əhəmiyyətli hərbi potensiala malik olduğunu, son illərdə müdafiənin modernləşdirilməsinə böyük sərmayə qoyduğunu və müasir bir güc olduğunu bildirib.

"İsveç üçün qısa müddətdə qarşılıqlı fəaliyyət səviyyəsinə çatmaq çətin olmayacaq", - Ostin bildirib.

İsveçin dənizdə və havada alyansa ciddi töhfələr verə biləcəyini dilə gətirən Austin, ittifaqa dəvət olunmuş bir ölkə olaraq artıq İsveçlə hərbi əməkdaşlıqlarını artırdıqlarını bildirib.