İqtisadiyyat.az xəbər verir ki, bu barədə "The Wall Street Journal" (WSJ) yazıb.

Nəşr bildirir ki, 2022-2023-cü illərdə bu qurumlar Maskın mülklərinə gələn və gedən xariciləri diqqətlə izləyib. İstintaq, xüsusilə Şərqi Avropadan və digər regionlardan olan şəxslərlə Mask arasında görüşlərə yönəlib.

Məlumatda vurğulanır ki, araşdırmanın gedişatından bir neçə dövlət qurumu, o cümlədən Federal Təhlükəsizlik Xidməti (FTB) xəbərdar edilib. Lakin istintaq hələlik heç bir ittiham irəli sürülmədən dayandırılıb və onun hazırkı statusu məlum deyil.

Qeyd edək ki, Mask ilə ABŞ maliyyə naziri Skott Bessent Ağ Evdə dövlət xərclərinin azaldılması ilə bağlı yerinə yetirilməyən vədlər üzündən mübahisə edib və nəticədə dava düşüb. Bu insident Mask ilə Donald Tramp arasında münasibətləri kəskin pisləşdirib. İndi "SpaceX" və "Tesla" ilə dövlət müqavilələrinin təhlükə altında olduğu bildirilir, Mask isə yeni siyasi partiya yaratmaqla bağlı məsləhətləşmələr aparır.