Birləşmiş Ştatlar hələ ki, öz vətəndaşlarını Livandan təxliyə etmək niyyətində deyil, lakin istənilən mümkün reaksiyaya hazırlaşır.

İqtisadiyyat.az xəbər verir ki, bunu jurnalistlər üçün keçirdiyi növbəti brifinqdə Dövlət Departamentinin mətbuat xidmətinin rəis müavini Vedant Patel deyib.

"Biz Livandakı ABŞ vətəndaşlarını ölkəni necə tərk edəcəkləri ilə bağlı planlar qurmağa təşviq edirik. Vətəndaşların Livandan təxliyəsi ilə bağlı hələ deyəcək bir şeyimiz yoxdur. Amma deyə bilərəm ki, ABŞ hökuməti hər hansı mümkün fövqəladə vəziyyəti hesablayır və hazırlaşır", - Patel vurğulayıb.