ABŞ Ukraynaya hava hücumundan müdafiə sistemləri üçün raketlər, pilotsuz uçuş aparatları və tank əleyhinə silahlar və digər döyüş sursatlarından ibarət yeni silah paketini təhvil verəcək.

İqtisadiyyat.az xəbər verir ki, bu barədə Ağ Evin mətbuat xidməti ABŞ Prezidenti Co Baydenə istinadən məlumat yayıb.

Bayden cümə günü Ukrayna Prezidenti Volodimir Zelenski ilə ölkənin avqustun 24-də qeyd olunan Müstəqillik Günü ilə bağlı telefon danışığı apardığını deyib. Onun sözlərinə görə, Birləşmiş Ştatlar tezliklə Ukraynaya yeni hərbi yardım paketinin ayrıldığını elan edəcək: "Bu paketə hava hücumundan müdafiə raketləri, dron əleyhinə avadanlıq və tank əleyhinə raketlər daxil olacaq".

Bundan əlavə, Amerika lideri hansı silahlardan bəhs etdiyini açıqlamadan növbəti silah paketinə digər döyüş sursatları və mobil raket sistemlərinin də daxil olacağını vurğulayıb.