Biz avropalı müttəfiqlərimizə qoşularaq Gürcüstanı Gürcüstan vətəndaşlarının böyük əksəriyyətinin Avropa İttifaqına tam inteqrasiya etmək istəyinə zidd olan qanunları qəbul etməməyə çağırırıq. 

İqtisadiyayt.az xəbər verir ki, bu barədə ABŞ Dövlət Departamentinin mətbuat katibi Metyu Miller məlumat verib. 

Onun sözlərinə görə, Aİ bəyan edib ki, bu qanunun qəbulu Gürcüstanın Avropa İttifaqına daxil olmaq yolunda irəliləyişini təhlükə altına salacaq: "Gürcüstan parlamentinin Kremldən ilhamlanan bu qanununu irəli sürmək qərarından dərin məyus olduq".

"Məqsəd şəffaflığı təmin etməkdirsə, Kremldən ilhamlanan bu cür qanunvericilik uyğun gəlmir. Biz bütün tərəfləri dinc toplaşmaq hüququna hörmət etməyə çağırırıq", - ABŞ Dövlət Departamentinin mətbuat katibi vurğulayıb.