Türkiyənin Müdafiə naziri Yaşar Gülərin bəyan edib ki, Vaşinqtonun bu məsələ ilə bağlı mövqeyi dəyişib.

İqtisadiyyat.az xəbər verir ki, bu barədə İHA məlumat yayıb.

"Bizim orada [ABŞ-də] 6 ədəd "F-35" təyyarəmiz var. İndi onlar bizim "Kaan" [qırıcısını] hazırlamağımızı gördükdə münasibətləri dəyişib. Təyyarələri təhvil verə biləcəklərini deyirlər",- türkiyəli nazir bildirib.

Xatırladaq ki, 2021-ci ilin aprel ayında ABŞ Türkiyəni Rusiya istehsalı olan "S-400" hava hücumundan müdafiə sistemlərini alması səbəbilə "F-35" proqramından məhrum edib. Türkiyə bu təyyarələr üçün ABŞ-yə təxminən 1,4 milyard dollar ödəyib.