ABŞ-də ötən ay işsizlik nisbəti 4,1 faizdən 4,3 faizə yüksəlib.

İqtisadiyyat.az xəbər verir ki, bu barədə ABŞ Əmək Nazirliyi iyul ayı üzrə məşğulluq hesabatını açıqlayıb.

İyulda ölkədə işsizlərin sayı 352 min nəfər artaraq 7 milyon 163 min nəfərə çatıb. Məlumata görə, ölkədə məşğulluq iyul ayında 114 min nəfər artıb.

Bu dövrdə səhiyyə, tikinti, nəqliyyat və anbar sektorunda məşğulluq artmaqda davam edib, informasiya sektorunda isə azalıb.

Ardıcıl 4 aydır artan işsizlik nisbəti bu dövrdə 2021-ci ilin oktyabrından bəri ən yüksək səviyyəyə çatıb.

 

Gözəl Həşimova