ABŞ-nin Alabama ştatında ölüm cəzası azot inhalyasiyası ilə həyata keçirilə bilər.

İqtisadiyyat.az xarici mediaya istinadən xəbər verir ki, ştatın prokurorluq rəsmiləri bu edam növünü nəzərdən keçirir. Bunun necə tətbiq olunacağı ilə bağlı sualı cavablandıran prokurorluq əməkdaşları bildiriblər ki, bu edam növündə məhbusun yalnız azotla nəfəs almasına icazə verilir, onu oksigendən məhrum edir. 

Hazırda ABŞ-nin üç ştatında edamın bu növünə rəsmi icazə verilsə də, tərcübədə heç vaxt sınaqdan keçirilməyib. Alabama ştatı bunun icrası reallaşacağı təqdirdə, bu üsulu məhbuslara tətbiq edən ilk ştat olacaq.